Woarnung aun den Nikolaus
I hoff´, Du host in Deinem Sock
Wos undliches, noch mein Geschmock.
Mit Urauschen oda Nüssen
kaunst Di sofurt wieda vatschüssen.
A Äpfel, Dottln oder Feign
kaun i wirkli goar net leiden.
Denk´amoi noch, bevurs d´ wos bringst
und dabei a no freinli grinst.
Des ollas tuat mein Mogn net guat,
außerdem is des a oida Huat.
Joahrzehnte host in Dein Sock des söbe,
vom Ei is des wirkli net des Göbe.
Bring amoi a guate Wurscht
und vagiß dabei net, i hob a Durscht.
Vielleicht dazua a Brot mit Speck,
sunst kaunst glei bleibn von mia weit weg.
Dei Hawara Zotty
PS:
Bring eventuell a no a gescheide Blunzn
Oba tua des net verhunzn ! ! !
A Flascherl a no, für den Mogn
damit de Sochn se vertrogn.
Waßt eh: es muaß net wenig sei, oba guat,
des aundere Zeig steck´ Da am Huat.
