Nachdem Rita um diese köstliche Dialekt Abhandlung über den Most angefragt hatte,
war ich gezwungen, diese neu abzutippen, da der alte Schreibmaschinen-Zettel
kaum mehr lesbar war.
So stehen lockerines Worte jetzt euch allen zur Verfügung. Viel Spaß beim lesen.
camper-ueber-50.at/forum/core/index.php?attachment/4308/
Oops scheinbar durch die neue Software, oder durch sonst ein Ereignis wurden die Attachments gelöscht. Egal, ich stelle den Most hier direkt ein, damit er nicht verloren geht.
Der Most
Er kann a Drangl sein, a Gsiff, a guada Tropf´n mit an Pfiff,
a Gschlader daß di umhaut schia a grausliche Lefuzibriah.
Er is oft besser wia a Wein, kann wia a Abwaschwasser sein,
er kann a wia a Krautbriah schmecka,
dassd Mognkrämpf kriagst schia zum Varecka.
Er is oft leicht, dann wieda grade, er kann a Locka sein a fade.
Doch woaß ma all´s erst wann man kost, es wisst´s es eh, es is der Most.
Da Most, daß´d mi glei recht vastehst, der wiad ned braut, der wiad ned preßt,
da Most wiad gmocht, wann oaner frogt, do is all´s ausdruckt und all´s gsogt.
Zum Mostmocha do brauchst a Hirn, ned grad Äpfel oder Birn.
Da muaß all´s stimma: Saubra Fassl,
weil sunst host eh´schon dein Schlamassl.
Die Tempratur im Keller drunten, do muaß er gärn die gwiss´n Stunden.
Gibt er dann schön stad a Ruah, deckst es´Spundloch mit an Apfel zua.
Und nachher kannst eam sozusagen von unt´ die Pippn einischlagen.
Loss´t oba, drink´st und nocha siagst, obst lachst oder obst es Mäu´vaziagst.
Der Most kann hunzen oder graben, des oanmal kannst´es guad derraten..
D´Foarb`is net schön, aber der Trunk´, der z´geht dir auf der Zung.
A andres Mal is d`Foarb ganz rein, doch sauer is er hundsgemein.
Wenn alles zàmmpaßt, der G´schmack und und a die Foarb,
woaßt wia i den obischwoab.
Weil gell, der Most füllt net nur Bäuche, er putzt auch die gesamten Schläuche.
Do hast nia an verschloß´nen Spund und drum is der Most a gsund.
Weit g´sünder wia a Abführmittel und damit hamma des Kapitel.
Die Möste san in dem Bereich natürlich a net alle gleich.
Da oa wirkt gar net, da and´re zacha, da oane mild, da and´re gacha.
Du derfst es a net überseh´n, sonst is glei a Unglück g´schehn.
Der Most, der hat schon seine Tücken, manchmal spürst a leichtes Zwicken.
Denkst dir gar net viel dabei, drinkst noch zwei Glaserl oder drei.
Die kannst ja sicher leicht derleiden, aus dem Zwicken wird ein Schneiden
und nachher denkst dir, es es muass sein
und schlag´st den Weg zum Häusl ein.
Dann derfst koa Pech hom, schlecht wärs´s jetzt
wenn oaner aussaschreit: BESETZT !
Da sagst nur wia a armer Sünder,
bereits zu spät, der Most war gschwinder.
LG locker
Das war eine ganz nette Idee:
